wa Nzega siku ya sherehe za utoaji Tuzo kwa wakulima Wilayani Nzega siku ya nane
nane.
Dada Lilian Wasira Mwanasheria katika picha siku ya sherehe za utoaji Tuzo
kwa wakulima, wafugaji na taasisi zilizo saidia wakulima Wilaya ya Nzega Tabora
Na Protas Charle – IDN
Mwandishi wa kitabu cha Dira ya
Maendeleo Mayrose Majinge na
Mwanaharakati wa maendeleo nchini toka Jijini Dar-es-salaam, ashiriki katika
zoezi la utoaji wa tuzo kwa wakulima katika sherehe za sikukuu ya wakulima
Wilayani Nzega Mkoani Tabora.
Tukio hilo la utoaji wa tuzo kwa
wakulima lililofanyika tarehe 8/8/2013 katika Ukumbi wa Channel One Nzega Mjini,
liliandaliwa na Taasisi isiyo ya kiserikali ya IDN kwa lengo la kuenzi wakulima
na wafugaji wadogowadogo wa Wilaya ya Nzega ili kuonesha mchango wanaoutoa kwa
jamii.
Akizungumza katika ufunguzi wa
sherehe hiyo ya utoaji tuzo Mratibu wa IDN ndugu Boniphace Nyabweta alisema taasisi yake iliona ni vema kuandaa tuzo
kwa wakulima na wafugaji ili kuwakumbuka kwani wakulima na wafugaji wamekuwa
hawakumbukwi kwa mchango wanao utoa katika jamii hivyo kupitia tuzo hizo
zitaleta hamasa kubwa kwa washindi kuwa na hamasa ya kuongeza bidii katika
uzalishaji wa mazao yao.
Katika sherehe hizo taasisi ya IDN
ilishirikisha wakulima, wafugaji na taasisi kama vile TASAF-Nzega, PRIDE-Nzega,
SEDA-Nzega, BRAC-Nzega,na TECHNOSERVE
zilizotoa mchango kwa namna mbalimbali kwa wakulima na wafugaji ambapo mchujo
ulifanyika na kuwapata washindi kumi na tatu ambao walijinyakulia tuzo kila
mmoja.
Miongoni mwa tuzo zilizo kuwa
zikishindaniwa ni pamoja na tuzo ya Mkulima bora wa bustani, mkulima bora wa
matunda, mkulima bora wa zao la chakula, mjasiriamali bora wa usindikaji wa
mazao ya kilimo. Tuzo nyingine ni mfugaji bora wa kuku wa kienyeji, mfugaji
bora wa kuku wa nyama, mfugaji bora wa kuku wa mayai, mfugaji bora wa nguruwe,
mfugaji bora wa ngombe na mbuzi n.k
Mapema kabla ya zoezi la utoaji tuzo kuanza Mayrose Majinge ambaye pia alikuwa
mgeni maalum aliwasilisha mada kwa wageni iliyohusu maendeleo ya kilimo na
maendeleo kwa vijana. Alisema katika dhana nzima ya maendeleo akilenga kijana
kuwa, kijana ni mtu yeyote ambaye anajishughulisha kufanya kazi za maendeleo
pasipo kujali umri.
Alieleza kuwa wapo wazee wengi wenye
miaka zaidi ya sitini lakini wanafanya kazi sana hivyo kwa tafsiri ya
kimaendeleo hao ni vijana. Pia wapo vijana wenye umri wa miaka ishirini
nakadharika lakini wamekaakaa tu pasipo kufanya kazi, kwa tafsiri ya
kimaendeleo hao si vijana.
Akizungumzia juu ya uongozi Mwanasheria Lilian Wasira aliyeambatana
na Mayrose, alisema vijana wasikae na kulalamika vijiweni kwani wanapaswa
kushiriki katika kuwania nafasi za kugombea kuwa viongozi katika Nyanja zote.
“Katiba yetu inasema kila mtu anayo haki ya kuchagua na kuchaguliwa katika
nafasi za uongozi, hivyo kila kijana anapaswa kugombea pale anapo hisi anaweza
na sio kulalamikia uongozi uliopo madarakani, alisema.
Washindi kumi na tatu waliibuka na
kupata tuzo ambapo waliomba zoezi hilo liendelee kila mwaka ili kuwahamasisha
wakulima na wafugaji wa Wilaya ya Nzega kuendelea kujikita zaidi katika
shughuli za kilimo na ufugaji.
