Jimbo la Nzega lakosa kigezo kugawanywa
SHARE THIS STORY
Naibu Waziri, Ofisi ya Waziri Mkuu, Aggrey
Mwanry amesema Jimbo la Nzega halina vigezo vinavyoweza kulifanya
ligawanywe kuwa mawili.Mwanri alisema hayo wakati akijibu swali la
Mbunge wa Nzega, Dk Hamis Kigwangala aliyeiambia Serikali kuwa haioni
kuna umuhimu wa kuligawanya jimbo lake kwa sasa.Mwanri alisema Tume ya Taifa ya Uchaguzi (Nec) ndiyo yenye mamlaka ya kuchunguza na kuona kama jimbo lolote lina sababu ya kugawanywa.Mbunge wa Ngorongoro, Kaika Telele (CCM), aliuliza swali la nyongeza akitaka kujua kama kuna ubaguzi wa kugawanya wilaya za mijini na vijijini.Katika kufafanua zaidi, Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi alisema vigezo vya kugawanya wilaya za mijini vinatofautiana na vijijini.Alitaja miongoni mwa vigezo vya kugawanya wilaya ya mjini ni pale wakazi wake wanapozidi 276,000, wakati vijijini ni pale inapozidi 206,000. Vilevile alisema kuna vigezo vingine kama vile uchumi wa eneo husika, kipato na mtandao.wa mawasiliano na vigezo vya umaskini.
